Fiat Metaverse Store dünyanın ilk metaverse texnologiyası ilə dəstəklənən interaktiv avtomobil salonudur. Bu yenilik sayəsində Fiat, immersiv və sadə brend təcrübəsi təqdim edən lider markalardan birinə çevrilir. Fiat tərəfindən istifadəyə verilən bu texnologiya, metaverse mühitində satış prosesinin əvvəlindən sonuna qədər idarə olunmasını mümkün edən ilk nümunədir və brendin müştəri təcrübəsini tamamilə dəyişir. Metaverse Store-da Fiat Məhsul Mütəxəssisi – real bir insan – müştərilərin istənilən sualına real vaxtda cavab verir.
“Fiat olaraq yenidən müştərilərimizə yenilikçi və stresssiz brend təcrübəsi təqdim edən öncülərdən biriyik. Əsl Fiat üslubunda, Fiat Metaverse Store avtomobil sənayesində ilkdir. Bu sehrli bir təcrübədir – insanla yönləndirilən immersiv bir səyahət, Fiat dünyasına daxil olmaq imkanı. Sadə, istifadəçi dostu və “tech it easy” fəlsəfəsinə uyğun olaraq hər kəs üçün əlçatan olan bu texnologiya ilə gerçəkləşdirilib,” – deyə Fiat CEO-su və Stellantis-in qlobal marketinq direktoru Olivye Fransua bildirib. – “Qısaca desək, bu bizim müştəri təcrübəsini fərdi hala gətirmək və sadələşdirmək yolumuzdur. Bu da Fiat-ın insanların bu günkü daha sadə həyata olan ehtiyacına cavab verməyi qarşısına məqsəd qoyan sosial missiyası ilə üst-üstə düşür. İlk dəfə olaraq, müştərilərimiz New 500 La Prima by Bocelli modelini evlərinin rahatlığında, insan dəstəyi ilə, dərhal, realistik və stresssiz şəkildə araşdıra və satın ala biləcəklər. Bu unikal təcrübə 2022-ci ilin sonuna qədər bütün New 500 modellərinə şamil ediləcək. 2023-cü ilin ilk yarısından etibarən isə Metaverse Store-da müxtəlif modellərlə tanış olmaq mümkün olacaq. Bu istiqamətdə, İtaliyadan başlayaraq, bu inqilabi müştəri təcrübəsi digər bazarlarda da təqdim olunacaq.”

Fiat Metaverse Store, bu təcrübəni Fiat brendi üçün dizayn edən Touchcast və Microsoft ilə əməkdaşlıq çərçivəsində hazırlanıb. Touchcast-in Metaverse-as-a-Service platforması Microsoft Cloud üzərində qurulub və istifadəçilərə VR eynəyi, avatar və ya xüsusi texniki avadanlıq olmadan metaverse-ə daxil olmaq imkanı yaradır. Nəticədə, rəqəmsal və fiziki təcrübənin birləşdiyi, unikal immersiv bir dünya ərsəyə gəlib.
Fiat Metaverse Store müştərini bir an içində Fiat dünyasının “içinə” daşıya bilir.
Daxil olduqdan sonra, müştərini Fiat Məhsul Mütəxəssisi qarşılayır və birlikdə avtomobili 360 dərəcə baxışla araşdıra, onun texnologiyası ilə tanış ola, elektrikli nəqliyyat, enerji yığma və New 500 modelinin istənilən xüsusiyyəti barədə sualları cavablandıra bilirlər. Həmçinin, müştəri Infotainment sisteminin necə işlədiyini, idarəetmə və enerji yığma rejimlərini yaxından izləyə bilər. İstədiyi kuzov, rəng, salon və digər fərdi xüsusiyyətləri seçərək avtomobili öz zövqünə uyğun fərdiləşdirə və bu dəyişiklikləri real vaxtda görə bilər. Bundan əlavə, tam immersiv Fiat aləti sayəsində istifadəçi New 500 La Prima by Bocelli modelində, Turin şəhərindəki Lingotto binasının damındakı La Pista 500 trasında sükan arxasına keçib sürüş təcrübəsini yaşayır.
Müştərilərin vaxtına uyğun olmaq üçün Məhsul Mütəxəssisi həftəiçi saat 09:00-dan 20:00-dək, şənbə günləri isə 10:00-dan 18:00-dək daim əlçatandır.
Yeni Fiat Metaverse Store ilə brend, yeni model sırasının konfiqurasiyası ilə başladığı sadələşdirmə strategiyasını davam etdirərək innovativ və rahat müştəri səyahəti yolunda irəliləməyə davam edir.
Tamamilə onlayn olan bu təcrübə istəyə bağlı olaraq fiziki təcrübə ilə də tamamlana bilər – müştəri yaxınlıqdakı diler mərkəzinə gedərək test sürüşü edə bilər.