Fiat Yeni 600e: B-seqmentinə parlaq və rəngarəng qayıdış
Fiat, şəhər mühitində davamlı mobillik sahəsində liderliyini davam etdirir və Yeni Fiat 600e modelini təqdim edir. Bu model markanın məhsul çeşidinə güclü bir əlavə olmaqla yanaşı, B-seqmentinə qayıdışını simvolizə edir. Fiat bu geri dönüşü hər bir aspektdə təkmilləşdirməklə həyata keçirir: daha geniş məkan, daha yüksək yürüş məsafəsi və daha çox “Dolce Vita” hissi. Sadə desək, Yeni 600e, B və B-SUV seqmentlərinin ən yaxşı cəhətlərini bir araya gətirərək gözəl, şən və rahat bir sürüş təcrübəsi təqdim edir.
1950-ci illərdə ailə avtomobili olaraq tanınan və bestseller olmuş əvvəlki Fiat 600 modelinin uğurunu davam etdirən Yeni Fiat 600e, sürətlə böyüyən B-seqmentinin mərkəzində mövqe tutur.

Şəhər üçün ideal, şəhərdən kənarda da mükəmməl
4,17 metr uzunluğunda olan Yeni Fiat 600e, 5 nəfərlik geniş interyer, 15 litr daxili saxlama sahəsi, və 360 litr baqaj həcmi ilə sinifində liderdir. Lithium-ion batareyası (54 kWh) WLTP qarışıq dövründə 400 km-dən çox, şəhər dövründə isə 600 km-dən çox yürüş təmin edir. Bu isə onu həm gündəlik şəhər istifadəsi, həm də həftə sonu səfərləri üçün ideal edir.
100 kW-lıq sürətli şarj sistemi sayəsində batareyanı 30 dəqiqədən az vaxtda 80%-ə qədər doldurmaq mümkündür. Evdə və ictimai yerlərdə istifadə üçün 11 kW On Board Charger və Mode 3 kabeli ilə təchiz olunub – tam dolum 6 saatdan az vaxt alır. 115 kW gücündə mühərrik sayəsində 0-100 km/saat sürətlənməsi 9 saniyədə baş tutur.
İstifadəçilər eco, normal və sport rejimlərindən birini seçərək öz sürüş tərzinə uyğun təcrübə yaşaya bilər. 2024-cü ilin ortalarında hibrid güc aqreqatı ilə təchiz olunmuş versiya da əlavə olunacaq.

Xaricdən ikonik, daxildən saf “Dolce Vita”
Yeni Fiat 600e – Yeni 500e-nin “böyük bacısı” – adı ilə klassik 600 modelinin irsini daşıyır. Xarici görünüşündə kəskin və cəsarətli ön dizayn, 600 xrom imzası, yenilənmiş LED işıqlar, 18 düymlük təkərlər, qara mat təkər haşiyələri və İtaliya bayrağı detallar ilə fərqlənir.
Daxili hissədə isə rəng terapiyası funksiyası (8 rəng, 64 kombinasiya), elektrikli və masaj funksiyalı sürücü oturacağı, süni dəri oturacaqlar, isti-soyuq rejimli oturacaq isitmələri, velur ayaqaltılar, ağıllı telefon üçün simsiz şarj, açar proximity sensor ilə giriş, USB A və C portları və qeyri-bərabər qatlanan arxa oturacaqlar ilə hər anı komforta çevrilmiş həqiqi “Dolce Vita” ruhu təqdim olunur.

İki versiya:

New Fiat 600e La Prima – premium təcrübə axtaranlar üçün.
Fiat (600e)RED – etik dəyərlərə və sosial məsuliyyətə önəm verən müştərilər üçün daha əlçatan seçim.

Yeni Fiat 600e – şəhər mobilliyini yeni səviyyəyə qaldırmaq üçün gözəl, ağıllı və rəngli bir yoldur.

Yeni Fiat 600e gündəlik istifadə üçün tam uyğun olan, ən son təhlükəsizlik və sürücüyə yardım sistemləri ilə təchiz olunub. Avtomobil səfərləri daha rahat və təhlükəsiz etmək üçün ikinci səviyyə yardım funksiyaları təqdim edir. Adaptiv kruiz-kontrol (ACC) sistemi önünüzdəki avtomobillərə uyğun olaraq sürəti artırır və ya azaldır; Ağıllı Sürət Köməkçisi sürət həddini oxuyur və onu tətbiq etməyi tövsiyə edir; Kor zona xəbərdarlığı isə ultrasəs sensorları ilə avtomobilin görünməyən sahələrini nəzarətdə saxlayaraq, güzgülərdə xəbərdarlıq işıqları ilə sürücünü məlumatlandırır. Texnologiyaya həmçinin Stop&Go funksiyası, Elektrik Əyləc Sistemi, Piyada və velosipedçiləri tanıyan Avtonom Təcili Əyləc Sistemi və sürücünün yuxululuq səviyyəsini izləyən konsentrasiya xəbərdarlığı sistemi daxildir. 360° sensorlar və 180° bucaqlı arxa görüntü kamerası ilə kompleks manevr və park zamanı ətrafdakı maneələrdən yayınmaq daha da asanlaşıb.
Rahatlıq və bağlantı baxımından isə Fiat 600e səyahətləri daha zövqlü və xoş edən bir çox funksiyaya sahibdir. Əllə toxunmadan açılan baqaj qapısı – xüsusən əli dolu valideynlər üçün əla funksiyadır, bütün pəncərələrin avtomatik idarəetməsi, avtomatik iqlim nəzarəti, qaralma və yağış sensorları ilə təchiz olunub. 6 dinamikli audio sistemi, 10.25 düymlük tam fərdiləşdirilə bilən Navi ekranı, CarPlay və Android Auto dəstəyi, 7 düymlük rəqəmsal göstərici paneli və müxtəlif bağlı xidmətlər ümumi təcrübəni tamamlamaq üçün mövcuddur.
Fiat 600e modeli Uconnect xidmətləri ilə sürücülərə gündəlik istifadədə yardım edir. Səslə idarə olunan sistem vasitəsilə bort naviqasiyası ilə əlaqə saxlamaq, avtomatik yenilənən TomTom xəritələri sayəsində marşrut üzrə mövcud şarj stansiyalarını görmək və ictimai yollarda boş parklama yerləri ilə bağlı real vaxt məlumatı əldə etmək mümkündür – bu isə vaxta və xərclərə qənaət deməkdir. Fiat tətbiqi ilə isə avtomobilə uzaqdan nəzarət – işıqları və siqnalı işə salmaq, qapıları açıb-bağlamaq, kondisioner və ya isitmə sistemini aktivləşdirmək mümkündür. Bu da komfortu yeni səviyyəyə qaldırır.

La Prima və daha əlçatan (RED) versiyası
Ətraf mühitə qayğı və sosial məsuliyyət dəyərlərinə önəm verən gənc istifadəçilər üçün nəzərdə tutulmuş Yeni Fiat (600e)RED, 2021-ci ildən etibarən (RED) təşkilatı ilə tərəfdaşlığın növbəti mərhələsidir. Missiyası “insanlar və planet üçün faydalı olmaq” olan bu versiya tam elektriklidir və ətraf mühitin qorunmasına töhfə vermək üçün hazırlanıb. (RED) təşkilatı 2006-cı ildə QİÇS-lə mübarizə məqsədilə qurulub və profilaktik və müalicə edilə bilən xəstəliklərin hər kəs üçün müalicə oluna bilməsini təmin etməyi hədəfləyir.
(600e)RED-in xarici görünüşündə və daxili hissəsində qırmızı rəng əsas tərtibat elementi kimi çıxış edir – kuzov, ön və arxa loqotiplər, ön panel və təkrar emal olunmuş parçadan hazırlanmış oturacaqlardakı dizayn detallarında bunu görmək mümkündür. Ağıllı mərkəzi konsolun (RED) dizaynlı pad örtüyü tərəfdaşlığın daha bir simvoludur. Fərdiləşdirmə üçün əlavə olaraq ağ və qara rəng variantları da mövcuddur.
Yeni Fiat 600e La Prima isə tam stil, texnologiya və rahatlıq təqdim edərək, İtalyan Dolce Vita ruhunu tam şəkildə yaşadır. Avtomobilin təqdim olunduğu 4 rəng İtaliyanın təbii gözəlliklərindən ilham alır: İtaliya Günəşi, İtaliya Dənizi, İtaliya Torpağı və İtaliya Səmaları.
Hər iki versiyanın – Fiat (600e)RED və La Prima – sifarişləri iyulun 5-dən qəbul ediləcək, ilk avtomobillər isə sentyabr ayında İtaliya bazarına çatdırılacaq.