Fiat Metaverse Store – dünyanın ilk metaverse əsaslı interaktiv şourumu – markanı immersiv və sadə brend təcrübəsi təqdim edən qabaqcıl istehsalçılardan birinə çevirir.

Fiat tərəfindən təqdim olunan bu texnologiya metaversdə tam satış təcrübəsini təmin edən ilk sistemdir və markanın müştəri ilə əlaqəsini tamamilə yenidən qurur.

Metaverse Store-un əsas fərqləndirici xüsusiyyətlərindən biri də real vaxtda istənilən suala cavab verən canlı mütəxəssis – Fiat Product Genius ilə təchiz olunmasıdır.
«Fiat olaraq, bir daha müştərilərimizə yenilikçi və stressiz brend təcrübəsi təqdim etməkdə liderlik edirik.

Tam Fiat üslubuna uyğun olaraq, Fiat Metaverse Store avtomobil sektorunda bir ilkdir. Bu, əsl sehrli bir təcrübədir: Fiat dünyasına insan mərkəzli immersiv bir səyahət. Texnologiya sayəsində hər kəs üçün əlçatan, sadə və istifadəsi asan – yəni “tech it easy” ideyasına uyğun şəkildə qurulub» – deyə Fiat-ın CEO-su və Stellantis-in Qlobal Marketinq Direktoru Olivye Fransua bildirib.
«Qısası, bu bizim müştəri təcrübəsini daha da fərdiləşdirmə və sadələşdirmə yolumuzdur – bu isə cəmiyyətin sadələşdirilmiş həyata olan çağdaş ehtiyacları ilə tam üst-üstə düşür. İlk dəfə olaraq, müştərilərimiz Yeni 500 La Prima by Bocelli modelini evlərindən çıxmadan, canlı dəstək, ani cavab, real və stressiz proses vasitəsilə araşdıra və ala biləcəklər.

Bu unikal təcrübə 2022-ci ilin sonuna qədər Yeni 500 model sırasının tamamını əhatə edəcək. 2023-cü ilin ilk yarısından etibarən isə müştərilər Metaverse Store-da bir sıra fərqli modellərlə tanış ola biləcəklər. Bu yanaşmaya uyğun olaraq və ilkin olaraq İtaliyadan başlayaraq, bu inqilabi müştəri təcrübəsi digər bazarlarda da əlçatan olacaq.»

Fiat Metaverse Store, Fiat brendi üçün təcrübəni hazırlayan Touchcast və Microsoft ilə əməkdaşlıqda inkişaf etdirilib. Touchcast-un Metaverse-as-a-Service platforması Microsoft Cloud üzərində qurulub və müştərilərə VR eynəyi, avatarlar və ya xüsusi texniki avadanlıq tələb etmədən metaverse-ə çıxış imkanı verir. Nəticədə rəqəmsal və fiziki dünyaların unikal, immersiv bir təcrübədə sintezi yaranır.
Fiat Metaverse Store müştərini dərhal Fiat dünyasının “içinə” daşıya bilir (LİNK).
Daxil olduqda, Product Genius müştərini qarşılayır və birlikdə avtomobili 360 dərəcəlik geniş bucaqlı görüntülərlə araşdırır, onun texnologiyası haqqında məlumat verir, elektrik mobilliyi, enerji doldurma və Yeni 500 modelinin digər xüsusiyyətləri barədə sualları cavablandırır.

Müştəri infotainment sisteminin, müxtəlif sürmə və elektrik enerjisi doldurma rejimlərinin necə işlədiyini yaxından müşahidə edə bilər.

Həmçinin, modelin karoseri, rəngi, daxili hissələri və digər istənilən xüsusiyyətlərini seçərək, bu dəyişiklikləri real vaxt rejimində görmək imkanı əldə edir.

Bundan əlavə, Fiat-ın tam immersiv aləti sayəsində müştəri Yeni 500 La Prima by Bocelli modelində Turinin Lingotto binasının damında yerləşən La Pista 500 trasında sürmə təcrübəsini yenidən yaşaya bilər.
Müştərilərin ehtiyaclarını ödəmək və onların sərbəst vaxtına uyğunlaşmaq üçün Product Genius həftənin bazar ertəsindən cümə gününə qədər saat 9:00-dan 20:00-dək, şənbə günü isə 10:00-dan 18:00-dək həmişə hazırdır.

Yeni Fiat Metaverse Store ilə marka, yeni model sırasının konfiqurasiyası ilə başlayan sadələşdirmə strategiyasını davam etdirərək, müştəri yolunda sadə amma yenilikçi bir yanaşma tətbiq edir.
Tamamilə onlayn təcrübə həmçinin fiziki təcrübə ilə tamamlanır – müştəri istəsə, ən yaxın satış nöqtəsinə gedərək test sürüşü edə bilər.