Olivier Francois, FIAT-ın baş direktoru və Stellantis-in Qlobal Marketinq Direktoru bildirib:

“FIAT dünyada İtaliyanın bayrağını daşımaqdan qürur duyur. İtaliya bizim təməlimiz, hərəkətverici gücümüz və gələcəyimizdir. Mirafiori isə bizim mühərriklərimizdən biridir — o, İtaliyanı, onun xalqını, dəyərlərini, qürurunu və 500 modelini təmsil edir. Hazırda Mirafiori istehsalının 90%-i ixraca yönəlib. İtaliya yollarında daha çox 500 görmək və İtalyan müştərilərimizin istəklərinə cavab vermək üçün, yeni Fiat 500 Ibrida-nın istehsalına qərar verdik. Bu model italyan adı daşıyır, Turin şəhərində hazırlanacaq və dizayn ediləcək, qürurla 'Mirafiori istehsalıdır' damğasını daşıyacaq. Aydındır ki, Mirafiori brend üçün strateji rol oynayır və biz həm İtaliyaya, həm 500 modelinə, həm də Mirafiori zavoduna sərmayə qoymağa davam edirik.”

İtaliya bizim mühərrikimizdir
Turin – FIAT-ın qlobal qərarların qəbul olunduğu və dizayn mərkəzidir. Brendin dünya bazarına çıxış yolu məhz buradan başlayır – bir avtomobil, bir uğurla. FIAT hazırda 500e, 500X, Panda və FIAT Professional Ducato modellərini İtaliyada istehsal edir. 2023-cü ildə FIAT-ın dünya üzrə satdığı hər üç avtomobildən biri İtaliyada istehsal olunub. Bu rəqəm ölkə daxilində daha da yüksəkdir – İtaliyada satılan FIAT-ların 70%-i məhz burada yığılır.
Panda-nın Pomigliano-da, 500-ün isə Mirafiori-də istehsalı ilə FIAT-ın iki ən ikonik modeli ölkədə istehsal olunur.
Mirafiori — Fiat 500-ün doğulduğu yerdir. Bu model Turindən Tokyoya, Los Ancelesdən San Paoloya, Berlindən hər yerə qədər İtaliyanın simvoluna çevrilib.
Yeni hibrid versiya da 500e kimi Turində hazırlanacaq, mühəndislik və dizayn prosesi burada keçiriləcək. Qısacası, bu da “Mirafiori istehsalı” olacaq. Onun tam italyan ruhu komponentlərinə də aiddir: mühərrik Stellantis-in Termoli zavodundan, egzoz sistemi Napoli-dən, ötürücü qutu isə birbaşa Mirafiori-dən gələcək.
FIAT elektriklə işləyən avtomobillərə, 500 modelinə və Mirafiori zavoduna sadiqliyini bir daha güclü şəkildə təsdiqləyir. Yaxın zamanda bu istiqamətdə 100 milyon avro sərmayə elan olunub. Bu investisiya, Fiat 500e modelinin platformasını yenidən qurmaq və yeni nəsil batareya texnologiyasını tətbiq etməklə onu daha əlçatan və sərfəli etmək məqsədi daşıyır.

İki batareyaya – 42 kWh və 23.8 kWh – sahib olan, cazibədar yeni Göy Mavi rəngində təqdim olunan bu kabriolet elektrik avtomobili İtaliya yayına tam uyğundur və gündəlik həyatınıza La Dolce Vita ruhunu gətirmək üçün yaradılıb. Standart avadanlıqlarına səlist hərəkət üçün 2-ci səviyyəli köməkçi sürücülük sistemi və 360° dron kamerası ilə parkinq köməyi daxildir. Rahatlıq isə yumşaq toxunuşlu premium oturacaqlar, 10.25 düymlük sensorlu radio və 320 vatt gücündə JBL premium səs sistemi ilə tam təmin olunub. İnteqrasiya olunmuş naviqasiya, əlaqəli xidmətlər və tam LED proyektorlar təcrübəni daha da zənginləşdirir. 16 düymlük parlaq ərintidən hazırlanmış disklər və xrom detalları interyerə zəriflik qatır. Bu unikal modelə hörmət olaraq, FIAT xüsusi buraxılışa yeni hazırlanmış xrom lövhə əlavə edib; bu lövhədə MIRAFIORI imzası ilə birlikdə Turin şəhərinin məşhur silueti təsvir olunub.
Yeni 500e MIRAFIORI modeli yalnız İtaliya bazarında, bu yaydan etibarən satışa çıxarılacaq.